High-Tech, High-Touch For Your Higher Education
Tabdiliaan zobanoon kay liay foladi Vatamunz ka darja rakhti hain
Tabdiliaan zobanoon kay liay foladi Vatamunz ka darja rakhti hain
Her zoban kay zakhira-e-alfaz main azafay kay omomun doo zariay hotay hain:
1- Bazar aur gali ki guftagu/bool chaal
2- Shairi
Shair ka reshta aur fikri ta'alaq pori kaenat say jura howa hota aur woh kaenati dukh sukh
apnay sinay may samaitay howay hota hai. Logoon kay dukh sukh kay qareeb honay kay
sabab woh oon ki zoban/bool chaal say bhi na'danista aur kabhi kabhi danista toor par
matasar hota hai aur yah amal rozana ka hota hai. Her aglay din surat'haal gozray din say
kisi na'kisi sata par kuch na'kuch mukhatalif zaroor hoti hai. Es amal ko روزانگیٔ kehna ghalt
nahain lagta. Yahi waja hai kah shair/likhari kay towasat say zoban main:
a. na'ay alfaz dakhal hotay rehtay hain.
b. lafzoon kay doo ya doo say ziyada talafaz samay aatay hain.
c. lafzoon kay na'ay estamalaat vajood patay rehtay hain.
d. pehlay say mojood lafzoon ki ashkaal main tabdili aati rehti hai.
e. lafz na'ay maeni laitay rehtay hain.
e. na'ay mahavray, nae tarkibaat, na'ay marakbaat waghera bantay rehtay hain.
f. pehlay say mojood mahavray, tarkibaat, marakbaat waghera main mukhtalif noeat
ki tabdiliaan hoti rehti hain.
g. kisi zoban kay lafzoon ko kisi aur zoban ka batana zabar'dast ziyadti hai kayoon'kah
kisi bhi dusri zoban ka lafz apni asal kay motabaq kisi aur zoban main dakhal
nahain ho hota. Ossay nae zoban kay mazaj aur too-o-atwaar ko ekhtayar karna
parta hai. Goya kisi na'kisi sta par os main tabdili zaroor aati hai.
h. lafz nae zoban kay sabqoon l'ahqoon ya masadar kay sath jur kar bilkal hi alag say
ho jatay hain.
Ab daikheay hoor, ahwal, oqaat, asami, media waghera urdu punjabi pothohari gojri sindhi
balochi pakhto waghera main wahid estamal hotay hain jab'kah yah lafz ya aisay
bai'shumar alfaz apni asal main jama hain.
zima ko zoma khalwat ko khilwat bhi bola jata hai.
qulfi siray say koe lafz hi nahain hai likin aam estamal main aata hai jab'kah asal lafz qofli
hai likin qofli ko ghalt samjha ja'ay ga.
karwat laina ko karwat badalna, zindagi karna ko jina wazu sajana ko wazu karna estamal
kiya jata hai.
Hindustani, Arbi aur Farsi ka majmoa hai likin essay moqami khayaal kya jata hai.
chibar/chibard, mint'maar, mintoon, votoon, spotoon, advaesoon waghera konsi angraizi kay
alfaz hain?!
lafz biryani kisi bhi gosht say bannay walay chawaloon kay liay estamal hota hai halan'kah
yah darust nain. Agar es kay liay alag say naam rakh diya'ay jaein to konsi ghalt baat
ho gi. Maslan:
morgay/kokar kay gosht say bannay walay chawaloon ko kokaryani/kokadyani keh di ja'ay to
ghalt kiya hai.
ga'ay kay gosht say bannay walay chawaloon ko gaoyani kehna ziyada monasab lagta hai سيد اعجاز شاہین
ki eak ghazal kay es shaiar
روزانگیٔ خوف سے تنگ آچکا ہوں میں
یارب! ہو اب ،ہواۓ مہ و سال مختلف
main estamal honay walay es marakab روزانگیٔ خوف (1) par en dinoon mukhtalif hawaloon say
guftagu chal rahi hai. Bila'shuba yah marakab gher manus hai aur kabhi kahein parnay
sonnay main nahain aaya es liay kisi ostad shair kay haan say sanad dasyaab hona momkin
nahain lagta. Yah hiqiqat apni jaga likin yah eak azafa zaroor hai. Dusra ostad shair konsi
koe hades(2) likh giya hota hai jo street os ki pabandi karay.(3) Ab moamla seraf es kay
mostamal honay ka hai. Es ka faisla waqt hi kar sakta hai kah روزانگیٔ aatay kal ko kya
shakal ekhtayar karta hai. Syed sahib nay Urdu zoban ko eak naya lafz diya hai es kay liay
hamain oon ki tehsein karni chahiay. Bawar rehna chahiay, zinda zobanoon main lafzoon
kay azafay ka amal kabi khatam nahain hota aur yah amal intahae sehhat'mandi ki daleel
hota hai.
Zobanoon ko aur oon kay zakhira-e-alfaz ko makhsus aur mehdood ya aur zobanoon ka
batana dar'haqiqat onhain mout kay ghat otarna hai. Zahiri ya batni sata par oon main koe
na'koe tabdili zaroor aa gae hoti hai. En tabdilioon kay hawala say hi izhar kay amal ko
phalnay pholnay kay hawala say foladi vatamunz mayasar aatay rehtay hain.(4)
--------------------
1. Es marakab main hamza ki jaga zair ka estamal samjha ja'ay
2. Lafz hades Aaqa Karim (oon par darood aur salam ho) kay farman-e- garami say
makhsus ho giya hai
3. Street ya phir her kehnay walay ka apna mazaj aur apni tarjihaat hoti hain.
dusri baat yah hai kah khayaal aur jazbay daeroon aur kurroon kay kab paband
rehtay hain.
4. foladi vatamunz, doo alag chizain aur doo alag zobanoon say ta'alaq rekhtay hain
rawaan ravi main achanak yah marakab tarkeeb pa giya hai. Es marakab ko kis
tara zoban say nikalain gay. Na'danista toor par yah marakab zoban ka hissa bun
chuka hai. Aatay kal ko essay nae shaklain aur na'ay maeni miltay rahein gay.
Her zoban kay zakhira-e-alfaz main azafay kay omomun doo zariay hotay hain:
1- Bazar aur gali ki guftagu/bool chaal
2- Shairi
Shair ka reshta aur fikri ta'alaq pori kaenat say jura howa hota aur woh kaenati dukh sukh
apnay sinay may samaitay howay hota hai. Logoon kay dukh sukh kay qareeb honay kay
sabab woh oon ki zoban/bool chaal say bhi na'danista aur kabhi kabhi danista toor par
matasar hota hai aur yah amal rozana ka hota hai. Her aglay din surat'haal gozray din say
kisi na'kisi sata par kuch na'kuch mukhatalif zaroor hoti hai. Es amal ko روزانگیٔ kehna ghalt
nahain lagta. Yahi waja hai kah shair/likhari kay towasat say zoban main:
a. na'ay alfaz dakhal hotay rehtay hain.
b. lafzoon kay doo ya doo say ziyada talafaz samay aatay hain.
c. lafzoon kay na'ay estamalaat vajood patay rehtay hain.
d. pehlay say mojood lafzoon ki ashkaal main tabdili aati rehti hai.
e. lafz na'ay maeni laitay rehtay hain.
e. na'ay mahavray, nae tarkibaat, na'ay marakbaat waghera bantay rehtay hain.
f. pehlay say mojood mahavray, tarkibaat, marakbaat waghera main mukhtalif noeat
ki tabdiliaan hoti rehti hain.
g. kisi zoban kay lafzoon ko kisi aur zoban ka batana zabar'dast ziyadti hai kayoon'kah
kisi bhi dusri zoban ka lafz apni asal kay motabaq kisi aur zoban main dakhal
nahain ho hota. Ossay nae zoban kay mazaj aur too-o-atwaar ko ekhtayar karna
parta hai. Goya kisi na'kisi sta par os main tabdili zaroor aati hai.
h. lafz nae zoban kay sabqoon l'ahqoon ya masadar kay sath jur kar bilkal hi alag say
ho jatay hain.
Ab daikheay hoor, ahwal, oqaat, asami, media waghera urdu punjabi pothohari gojri sindhi
balochi pakhto waghera main wahid estamal hotay hain jab'kah yah lafz ya aisay
bai'shumar alfaz apni asal main jama hain.
zima ko zoma khalwat ko khilwat bhi bola jata hai.
qulfi siray say koe lafz hi nahain hai likin aam estamal main aata hai jab'kah asal lafz qofli
hai likin qofli ko ghalt samjha ja'ay ga.
karwat laina ko karwat badalna, zindagi karna ko jina wazu sajana ko wazu karna estamal
kiya jata hai.
Hindustani, Arbi aur Farsi ka majmoa hai likin essay moqami khayaal kya jata hai.
chibar/chibard, mint'maar, mintoon, votoon, spotoon, advaesoon waghera konsi angraizi kay
alfaz hain?!
lafz biryani kisi bhi gosht say bannay walay chawaloon kay liay estamal hota hai halan'kah
yah darust nain. Agar es kay liay alag say naam rakh diya'ay jaein to konsi ghalt baat
ho gi. Maslan:
morgay/kokar kay gosht say bannay walay chawaloon ko kokaryani/kokadyani keh di ja'ay to
ghalt kiya hai.
ga'ay kay gosht say bannay walay chawaloon ko gaoyani kehna ziyada monasab lagta hai سيد اعجاز شاہین
ki eak ghazal kay es shaiar
روزانگیٔ خوف سے تنگ آچکا ہوں میں
یارب! ہو اب ،ہواۓ مہ و سال مختلف
main estamal honay walay es marakab روزانگیٔ خوف (1) par en dinoon mukhtalif hawaloon say
guftagu chal rahi hai. Bila'shuba yah marakab gher manus hai aur kabhi kahein parnay
sonnay main nahain aaya es liay kisi ostad shair kay haan say sanad dasyaab hona momkin
nahain lagta. Yah hiqiqat apni jaga likin yah eak azafa zaroor hai. Dusra ostad shair konsi
koe hades(2) likh giya hota hai jo street os ki pabandi karay.(3) Ab moamla seraf es kay
mostamal honay ka hai. Es ka faisla waqt hi kar sakta hai kah روزانگیٔ aatay kal ko kya
shakal ekhtayar karta hai. Syed sahib nay Urdu zoban ko eak naya lafz diya hai es kay liay
hamain oon ki tehsein karni chahiay. Bawar rehna chahiay, zinda zobanoon main lafzoon
kay azafay ka amal kabi khatam nahain hota aur yah amal intahae sehhat'mandi ki daleel
hota hai.
Zobanoon ko aur oon kay zakhira-e-alfaz ko makhsus aur mehdood ya aur zobanoon ka
batana dar'haqiqat onhain mout kay ghat otarna hai. Zahiri ya batni sata par oon main koe
na'koe tabdili zaroor aa gae hoti hai. En tabdilioon kay hawala say hi izhar kay amal ko
phalnay pholnay kay hawala say foladi vatamunz mayasar aatay rehtay hain.(4)
--------------------
1. Es marakab main hamza ki jaga zair ka estamal samjha ja'ay
2. Lafz hades Aaqa Karim (oon par darood aur salam ho) kay farman-e- garami say
makhsus ho giya hai
3. Street ya phir her kehnay walay ka apna mazaj aur apni tarjihaat hoti hain.
dusri baat yah hai kah khayaal aur jazbay daeroon aur kurroon kay kab paband
rehtay hain.
4. foladi vatamunz, doo alag chizain aur doo alag zobanoon say ta'alaq rekhtay hain
rawaan ravi main achanak yah marakab tarkeeb pa giya hai. Es marakab ko kis
tara zoban say nikalain gay. Na'danista toor par yah marakab zoban ka hissa bun
chuka hai. Aatay kal ko essay nae shaklain aur na'ay maeni miltay rahein gay.
© 2025 Created by John Santiago.
Powered by
